Menya Amateka n’ibigwi by’Umuyobozi mukuru w’Urwego rw’Ubugenzacyaha RIB

Col. (Rtd) Jeannot K RUHUNGA Yinjiye mu Gisirikare cya RPA/ RDF mu KUBOZA 1990 ubwo yasanze bagenzi be mu rugamba rwo kubohora u Rwanda.

Uyu mugabo w’ibigwi yavutse mu 1964, yarize araminuza akaba afite impamyabumenyi zitandukanye yavanye muri za Kaminuza zinyuranye.

Afite impamyabushobozi y’Icyiciro cya Gatatu (Masters) mu bijyanye n’Ububanyi n’Amahanga yakuye muri Kaminuza ya Nairobi muri Kenya.

Afite indi y’icya Gatatu cya Kaminuza mu bijyanye n’Imiyoborere yakuye muri Kaminuza muri Ghana Institute of Management and Public Administration (GIMPA).

Afite impamyabushobozi y’Icyiciro cya Kabiri cya Kaminuza mu mategeko yavanye muri Kaminuza Nkuru y’u Rwanda ndetse n’iyo yavanye mu Ishuri rikuru rya Gisirikare muri Kenya.

Afite ‘Certificate’ zitandukanye zirimo ijyanye no kugenza ibyaha yabonye mu 2008 ayikuye muri FBI National Academy (USA).

Afite iyo kurwanya Iterabwoba yabonye mu 2006 ayikuye muri George Marshall Centre yo mu Budage.

Afite iy’Iperereza yakuye i Pretoria muri Afurika y’Epfo mu 2003.

Anafite Impamyabumenyi mu gukurikirana ibyaha yabonye mu 2008 muri Kaminuza ya Virginia (USA).

Col Ruhunga yakoze imirimo itandukanye mu Ngabo z’u Rwanda muri Polisi y’Igihugu n’ahandi.

Guhera mu 1994 kugera mu 1995 yabaye Umuyobozi ushinzwe Umutekano ku mupaka wa Gatuna.

Mu 1998 – 2003 yabaye Umucamanza mu Rukiko rwa Gisirikare.

Mu 2000 -2005 yigishije muri Kaminuza ya INLAK isomo rya Criminology

Mu 2003 – 2005 yabaye Umuyobozi ushinzwe Iperereza mu Ngabo z’u Rwanda (J2)

Mu 2005 -2009 yabaye Komiseri ushinzwe Iperereza muri Polisi y’Igihugu

Mu 2009 – 2010 yabaye Commanding Officer of Maintenance Battalion/ Ag Chief J4 RDF

Mu 2011 – 2012 yabaye Directing Staff mu Ishuri rikuru rya Gisirikare rya Nyakinama

Mu 2012 – 2015 yabaye Directing Staff Kimaka Senior Command and staff College (Uganda) on EAC Directing Staff Exchange Program

Mu 2015 – 2016 yabaye Umwarimu Mukuru mu Ishuri rikuru rya Gisirikare rya Nyakinama

Mu 2016 – 2018 Yari Umuyobozi w’agateganyo w’Ishami rishinzwe Iperereza mu Ngabo z’u Rwanda (J2).

Col. RUHUNGA KIBEZI Jeannot arubatse akaba anafite abana,

Col. RUHUNGA Jeannot avuga neza Ikinyarwanda, Icyongereza, Igifaransa n’Igiswahili.

Ku wa 9 Mata 2018 Perezida Paul KAGAME yashyizeho abayobozi b’Urwego rw’Igihugu rushinzwe Ubugenzacyaha ‘Rwanda Investigation Bureau’ (RIB), rukaba rukuriwe na Col. Jeannot K RUHUNGA

Tumwigireho byinshi harimo no gutanga Umwanya we nibye kugihugu cyamubyaye .